இன்று நடைபெற்ற கலந்தாய்வில் கீழ்கண்ட கருத்துக்கள் விவாதிக்கப்பட்டன.

* 12 & 13 அக்டோபர் தேதிகளில் விக்கிரவாண்டி சட்டமன்ற இடைத் தேர்தல் பரப்புரையில் நமது பிரிவின் சார்பாக கலந்து கொண்ட அனைத்து உறவுகளுக்கும் நன்றி தெரிவிக்கப்பட்டது.

* வாய்ப்புள்ள அனைத்து உறுப்பினர்களையும் நாம் தமிழர் கட்சியின் துளி திட்டத்தில் இணைந்து கட்சியின் பொருளாதாரத்தை வலுப்படுத்த உறுதுணையாகஇருக்குமாறு தீர்மானம் நிறைவேற்றப்பட்டது.

* தமிழில் பெயர் பலகை வைப்பது குறித்து விழிப்புணர்வு ஏற்படுத்த அரசுக்கு மனு தயாரித்து சமர்ப்பிக்க முடிவு செய்யப்பட்டது.

* தமிழில் பெயர் பலகை வைக்க வியாபார நிறுவனங்களை கோர தேவையான துண்டறிக்கைகள் மற்றும் ஆயத்த வேலைகளை தொடங்க முடிவு செய்யப்பட்டது.

* கூகுள் மேப் மற்றும் இதர செயலிகளில் வியாபார நிறுவனங்கள் பற்றி விமர்சனம் எழுதும் இடத்தில் பிரபல வியாபார நிறுவனங்களின் பெயரை தமிழில் மாற்றம் செய்ய கோரிக்கை வைக்க முடிவு செய்யப்பட்டது.

* நமது பிரிவில் உள்ள உறுப்பினர்களை உள்ளாட்சித் தேர்தலில் வாய்ப்பு இருக்கும் பட்சத்தில் போட்டியிடுமாறு கேட்டுக்கொள்ளப்பட்டது.

* உள்ளாட்சித் தேர்தலில் குறிப்பிட்ட இடங்களில் நமது உறுப்பினர்களையோ அல்லது நமது கட்சியை சார்ந்த மற்ற வேட்பாளர்களையோ ஆதரித்து பரப்புரை மேற்கொள்ள முடிவு செய்யப்பட்டது.

* செங்கொடி நினைவு பள்ளியில் கள ஆய்வு செய்து அவர்களுக்கு தேவையான உதவிகளை செய்ய திட்டம் தீட்ட முடிவு செய்யப்பட்டது.

* தற்சார்பு பொருளாதாரத்தில் தகவல் தொழில்நுட்ப பணியாளர்களுக்கான வேலைவாய்ப்பு எனும் தலைப்பில் ஆவனம் தயார்செய்யும் உறுப்பினருக்கு உதவி செய்ய முடிவு செய்யப்பட்டது.

* நமது பிரிவின் அறிவிப்புகளை வெளியிட ட்விட்டர் செயலியில் கணக்கு தொடங்க முடிவு செய்யப்பட்டது.

* நாம்தமிழர் பிரிட்டானியா பிரிவின் சார்பாக உருவாக்கப்பட்டுள்ள செயலியை நடைமுறைக்கு கொண்டு வர தகவல் தொழில்நுட்ப பிரிவுக்கு உதவி தேவைப்படின் செய்ய முடிவு செய்யப்பட்டது.